నీవు నేను కలిస్తే ఇలా ఉంటుంది

నీ అందం

నా అందం

జీవితపు మకరందం

నీ మౌనం

నా మౌనం

కన్నీరు

నీ జీవితం

నా జీవితం

ఈ జన్మ సరిపోదు

నీ అన్వేషణ

నా అన్వేషణ

ఒకే దగ్గర ముగిస్తుంది

నీ ఇష్టం
నా ఇష్టం

దోరగా పండిన పనస 

నీ పిలుపు
నా పిలుపు
పదాలకు ఊపిర్లూదుతున్న అర్ధాలు

నీ నవ్వులు

నా  నవ్వులు

నిశ్శబ్దం లో నీటి గల గలలు

నీ ధ్యానం

నా ధ్యానం

ఒకరిలో ఒకరం అంతర్ధానం

నీ పరిమళం

నా పరిమళం

విచ్చుకున్న ప్రేమ దళం

నీ కోరిక

నా కోరిక

అవసరం వద్ద ఆగాయి