నాకు నేను కాకుండా చేస్తావు

అధో పాతాలానికో...
విశాల ఆకశంలొకో

తొక్కి పెడతావో ......
విసిరివేస్తావో ....

మొత్తానికి నాకు నేను కాకుండా చేస్తావు
కౌగిలై ,హృదయాన్ని పిండెస్తావు

ప్రపంచం

ప్రపంచ పరిమాణం ఎంతా ?

నా హృదయంలో పరమాణువంత!!

అర్హత

అర్హత, అందాన్ని ఆస్వాదించనీయదు ....

ఆలొచన, హృదయాన్ని అంకితం అవనివ్వదు...

హృదయ పలక

అంత పెద్ద కొండలను,లోయలను మనసు హృదయ పలక పై పరుస్తుంటే ....

అసలు బరువెక్కటం లేదేంటి ?

హృదయాన్ని చేరేవన్నీ ఇలానే తేలిక పడతాయేమో ?

పెళ్ళి ఎవరికీ ?

పెళ్ళి ఎవరికీ ?

భావం లేని జీవాలకా ?

జీవం లేని శవాలకా ?

పెళ్ళి ఎవరికీ?

వికసించిన హృదయాలకా ?

విడలేని ప్రణయాలకా ?

తొలగిందా నీలోని అహం

నిన్ను నీవు తెలుసుకో ...

వినయమెరిగి మసలుకో

తొలగిందా నీలోని అహం

ప్రపంచమే నీకు దాసోహం...

నిన్ను చేరుతూ ఉంటాను

మనసుకు వేగమెక్కువ.....

జీవితానికి మలుపులెక్కువ....

అందుకే

హృదయమై నింగిలో తేలుతూ ఉంటాను

తక్షణమే నిన్ను చేరుతూ ఉంటాను 

నిన్ను చేరనప్పుడు

రెక్కలుండి ఏం లాభం ... నిన్ను చేరనప్పుడు

నీవు లేని జీవితమెందుకు... అదొక తీగ తెగిన వీణ చప్పుడు

చిరునవ్వు

ఆరిపోయిన గుండెకి చినుకు తడి చాలదా ?
ఓడిపోయిన మనసుకు చిరునవ్వూ అలాంటిదే కదా...

ఆయువు నింపే అమృతమా ...
ఈ మృత జీవిని ప్రేమతో నింపుమా ...

నీవు నేను కలిస్తే ఇలా ఉంటుంది

నీ అందం

నా అందం

జీవితపు మకరందం

నీ మౌనం

నా మౌనం

కన్నీరు

నీ జీవితం

నా జీవితం

ఈ జన్మ సరిపోదు

నీ అన్వేషణ

నా అన్వేషణ

ఒకే దగ్గర ముగిస్తుంది

నీ ఇష్టం
నా ఇష్టం

దోరగా పండిన పనస 

నీ పిలుపు
నా పిలుపు
పదాలకు ఊపిర్లూదుతున్న అర్ధాలు

నీ నవ్వులు

నా  నవ్వులు

నిశ్శబ్దం లో నీటి గల గలలు

నీ ధ్యానం

నా ధ్యానం

ఒకరిలో ఒకరం అంతర్ధానం

నీ పరిమళం

నా పరిమళం

విచ్చుకున్న ప్రేమ దళం

నీ కోరిక

నా కోరిక

అవసరం వద్ద ఆగాయి